Girmek
Paýtagtymyzyň döredilmeginiň 140 ýyllygyna bagyşlanyp 24-25-nji maýda geçirilen «Ak şäherim Aşgabat» atly XX halkara köpugurly serginiň çäginde Türkmenistanyň Gurluşyk we binagärlik ministrligi tarapyndan yglan edilen dizaýn we binagärlik bäsleşiginiň hem jemleri jemlenildi.
Bu bäsleşik GDA ýurtlarynda yglan edilen «Binagärlik we gurluşyk ýylynyň» çägindäki esasy taslamalaryň biridir. Bäsleşik dört ugur boýunça geçirildi:
- akylly şäher we ýaşyl, energiýa tygşytlaýan we ýokary tehnologiýaly şäherler;
- durmuş we medeni desgalar;
- häzirki zaman peýza design dizaýny we binagärçiligi;
- häzirki zaman binalaryň içki we daşky dizaýny.
Türkmenistanyň Gurluşyk we binagärlik ministrliginiň Binagärlik we şäher gurluşygy müdirliginiň başlygynyň orunbasary Adyl Weliýew bu bäsleşik barada şeýle gürrüň berdi:
― Döredijilik bäsleşigine 87 adam 100 taslama bilen gatnaşdy. Olaryň arasynda binagärler, suratkeşler we talyplar gatnaşdy. Olardan 43-siniň işi häzirki sergini bezeýär.