Girmek
Merkezi Aziýa ýurtlarynyň we HHR-iň Daşary işler ministrlikleriniň ýolbaşçylarynyň ikinji duşuşygy 11-12-nji maýda geçip biler. Bu barada «Türkmenistan: Altyn asyr» elektron gazeti «Sputnik Özbegistana» salgylanyp habar berdi.
«Özbegistanyň DIM-niň wekiliýetiniň on birinji-on ikinji maýda daşary işler ministrleriniň «Hytaý – Merkezi Aziýa döwletleri» formatynda geçjek nobatdaky duşuşygynyň işine gatnaşmagy meýilleşdirilýär» diýip, Özbegistanyň DIM-niň metbugat kätibi Ýusup Kabuljanow aýdanlary getirilýär. Ondan öň KHS ikinji «Merkezi Aziýa – Hytaý» ministrler duşuşygynyň maý aýynyň ortalarynda Hytaýyň Şensi welaýatynda geçmeginiň mümkindigini habar beripdiler.
Ilkinji «Merkezi Aziýa – Hytaý» ministrler duşuşygy COVID-19 pandemiýasy zerarly 2020-nji ýylyň 16-njy iýulynda wideomaslahat görnüşinde geçirilipdi. Internet arkaly geçeirilýän bu çärä Hytaýyň, Gazagystanyň, Gyrgyzstanyň, Täjigistanyň, Türkmenistanyň we Özbegistanyň DIM-iň ýolbaşçylary gatnaşypdylar.
Öňde duran duşuşykda oňa gatnaşýanlaryň COVID-19 pandemiýasyna we onuň netijelerine garşy göreşiň toplumlaýyn meýilnamasyny ara alyp maslahatlaşjakdygy çak edilýär.