“Facebook” kompaniýasynyň ýolbaşçysy Mark Zukerberg “WhatsApp” arkaly her günde 100 milliard habaryň iberilýändigini mälim etdi. Applikasiýanyň ulanyjylarynyň sany bolsa, 2 milliarddan geçipdir. Döredilenine 10 ýyl töweregi wagt bolan söhbetdeşlik programmasy elektron enjamlary arkaly söhbetdeşlik etmäge mümkinçilik berýän iň meşhur applikasiýa hasaplanýar. Ulanyjylar “WhatsApp”-dan başga-da “Facebook Messenger”, “iMessage”, “WeChat” we beýleki onlarça söhbetdeşlik applikasiýalaryndan peýdalanýar. “WeChat”-iň iň uly bäsdeşi hasaplanýan Hytaýyň “WeChat” programmasynyň ulanyjylarynyň sany 1 milliarddan geçýär. 2014-nji ýylda “WhatsApp” arkaly 50 milliard habar iberilýändigi mälim edilipdi. Şol wagt “WhatsApp”-yň ulanyjylarynyň sany 500 milliondan azdy.