Soňky habarlar

Arhiw

Türkmenistanyň bilim edaralarynda öňüni alyş çäreleri güýçlendirilýär

21:1219.08.2020
0
26523

Türkmenistanda täze okuw ýyly, garaşylyşy ýaly, 1-nji sentýabrda başlar. Şeýle-de bolsa, ýiti ýokanç keselleriň öňüni almak göz öňünde tutulyp, Türkmenistanyň Bilim ministriniň 2020-nji ýylyň 14-nji awgustyndaky buýrugy bilen tassyklanan tertipnamada öz beýanyny tapýan täze düzgünler girizildi.

Aşgabat şäher bilim müdirliginde habar berlişi ýaly, mekdep ýolbaşçylary şulara borçlanýar:

  • Arassaçylyk we keselleriň ýaýramagyna garşy göreş edaralary bilen şertnama esasynda işleýän bilim edaralary sanitariýa, arassaçylyk we dezinfeksiýa işlerini okuw ýylyndan öň we ol dowam edýärkä, hepdede bir gezek yzygiderli geçirmeli;
  • Binalara girýän okuwçylaryň, talyplaryň we her bir bilim işgäriniň bedeniniň gyzgynlygy ölçenilmeli, olaryň elleri ýörite serişdeler arkaly zyýansyzlandyrylmaly. Munuň üçin nobatçy mugallymlary bellemeli;
  • Sapaklardan öň we soň, uly arakesmelerde synp otaglarynda we eýwanlarda üzärlik tütetmeli;
  • Her ýarym günlük okuwdan soňra binalar zyýansyzlandyrylmaly;
  • keseliň alamatlary ýüze çykarylsa, her mekdepde izolýasiýa üçin ýörite otaglar bolmaly.
Teswirler
Teswir ýazmak üçin içeri giriň ýa-da registrasiýa boluň