Ýewropanyň öňdebaryjy çempionatlarynda nobatda tapgyrda-da futbol janköýerlerine diýseň gyzykly duşuşyklar garaşýar.
Angliýanyň çempionatynda bu hepdäniň ahyrynda 26-njy tapgyryň diňe 4 duşuşygy oýnalar. Galan 6 oýun geljek hepdäniň ahyrynda geçiriler. Oýnaljak 4 duşuşygyň arasynda iň esasysy ýekşenbe günki “Mançester Siti”–“West Ham” oýny bolar (21:30).
Italiýanyň çempionaty “Serie A”-da belki-de diňe bir ýurtda däl, eýsem, Ýewropada-da iň esasy üns merkezdäki duşuşyk Milan şäheriniň derbisidir. Ýekşenbe güni, ýagny 9-njy fewralda gije 00:45-de başlanjak “Madonnina” derbisinde “Inter” “Milany” kabul eder. Oýun “Türkmenistan sport” teleýaýlymynda görkeziler. Italiýada sanawyň lideri “Ýuwentus” ertir, has takygy 8-nji fewralda Aşgabat wagty bilen 00:45-de başlajak oýunda myhmançylykda “Werona” bilen güýç synanyşar. Ýekşenbe günki oýunlaryň arasynda “Parma”–“Lasio” duşuşygy hem üns merkezde bolar.
Ispaniýanyň “La Ligasynda” kubok ýaryşynda çärýek finaldan gaýdan 2 öňdebaryjy çempionatdaky oýunlar bilen şol ýeňlişleri ýatdan çykarmagyň aladasynda. Iki topar hem öz duşuşyklaryny ýekşenbe güni myhmançylykda geçirer. “Real Madrid” “Osasuna” bilen (20:00), “Barselona” bolsa, “Betis” (01:00) bilen duşuşar. Duşuşyklaryň birinjisi “Türkmenistan sport” teleýaýlymynda görkeziler. Tapgyryň ýene bir ünsi çekýän oýny-da “Hetafe” bilen “Walensiýanyň” arasyndaky duşuşyk bolar. 8-nji fewralda 20:00-da başlajak duşuşyk “Türkmenistan sport” teleýaýlymy arkaly futbol muşdaklarynyň dykgatyna ýetiriler.
Germaniýanyň “Bundesligasynda” gürrüňsiz tapgyryň iň esasy oýny 1-2-nji hatardaky “Bawariýa” bilen “Leipsigiň” arasyndaky duşuşyk bolar. 9-njy fewralda 22:00-da başlanjak oýun “Türkmenistan sport” teleýaýlymynda görkeziler. Şeýle-de, ertirki oýunlaryň arasynda-da “Baýer”–“Borussiýa Dortmund” duşuşygyny “Türkmenistan sport” teleýaýlymy arkala efire berler (22:30).
Fransiýada PSŽ–“Lion” (9-njy fewral, 01:00)
Portugaliýada “Porto”–“Benfika" (8-nji fewral, 01:30)
Niderlandlarda PSW–“Willem II” (8-nji fewral, 23:45)
Niderlandlarda “AZ Alkmaar”–“Feýenoord” (9-njy fewral, 18:30)
Türkiýede “Siwasspor”–“Istanbul Başakşehir” (9-njy fewral, 18:00)
Gresiýada AEK–“Panatinaikos” (9-njy fewral, 22:30)
