«Türkmenistan» awiakompaniýasy Aşgabat (Türkmenistan) ― Jidda (Saud Arabystany) aralygynda açyljak göni howa gatnawynyň başlanjak wagtyny fewral aýyndan aprel aýyna geçirdi. Bu barada «Türkmenhowaýollary» agentliginiň resmi saýty habar berýär.
Täze ugur boýunça howa gatnawyny ýokary amatlyklary bolan «Boeing 777–200LR» uçary bilen amala aşyrmak meýilleşdirilýär. «Türkmenhowaýollary» amatly geografiki çäkde ýerleşýän Aşgabadyň üsti bilen Günorta-Gündogar Aziýa döwletleriniň syýahatçylarynyň üstaşyr uçuşlaryny hem amala aşyrmagy meýilleşdirýär.
