Türkiýäniň Stambul şäherinde okuw-türgenleşik ýygnanyşygyny geçirýän Türkmenistanyň ýaşlar ýygyndysy (U19) soňky ýoldaşlyk duşuşygyny deňlikde tamamlady. Aziz Kambarowyň tälim berýänleri Stambulyň adygan “Fenerbahçe” toparynyň ýaşlar düzümi bilen 1:1 hasabynda deňme-deň oýnady. Ýygyndy toparymyza deňlik getiren topy Begençmyrat Myradow geçirdi ― diýip, Türkmenistanyň Futbol federasiýasynyň resmi saýty habar berýär.
Ýaşlar ýygyndymyzyň Stambul şäherindäki türgenleşik ýygnanyşygynyň 2-nji oktýabra çenli dowam edýändigini ýatladýarys.
Ýeri gelende bellesek, 2020-nji ýylda geçiriljek Aziýa çempionatynyň saýlama tapgyrynyň “B” toparçasynda çykyş edýän ýaşlar ýygyndymyzyň garşydaşlary Kataryň, Ýemeniň hem-de Şri-Lankanyň ýygyndylary bolarlar. Saýlama tapgyry şu ýylyň 4 ― 10-njy noýabry aralygynda Kataryň paýtagty Doha şäherinde geçiriler.
