V Aziýa oýunlaryna taýýarlyk görmek baradaky ýerine ýetiriji komiteti “Mastercard” kompaniýasynyň V Aziýa oýunlarynda resmi hemaýatkär hökmünde çykyş etjekdigini buýsanç bilen habar berdi.

“Mastercard” kompaniýasy dünýä tölegler industriýasynda müşderileri, maliýe işi bilen meşgullanýan guramalary, söwdagärleri, hökümet edaralary we işewürleri birleşdirýän, Ýer ýüzündäki iň çalt tölegleri amala aşyrýan we 210 ýurduň çäginde hereket edýän ulgamy dolandyrýan tehnologiýa kompaniýasydyr.

V Aziýa oýunlaryna taýýarlyk görmek baradaky ýerine ýetiriji komitetiň başlygy Daýanç Gulgeldiýew bu barada şeýle diýýär: “Biz “Mastercard” kompaniýasynyň Aşgabat 2017-ä resmi hemaýatkär hökmünde goşuljakdygyna diýseň begenýäris. “Mastercard” kompaniýasy ýaly halkara derejede tanalýan abraýly kompaniýanyň V Aziýa oýunlarynyň maşgalasyna goşuljakdygy biz üçin buýsandyryjy pursatdyr”.

Hyzmatdaş hökmünde 75 gezekden gowrak çykyş eden “Mastercard” kompaniýasy   ruhy tejribe taýdan birleşmegi öňe sürüp, “adamlary bahasyna ýetip bolmaýan mümkinçiliklere ýetirmegi” maksat edinýär.

Öz işini müşderileriň gyzyklanmalary esasynda alyp barýan  “Mastercard” kompaniýasy dünýä derejede geçirilen dürli halkara sport wakalary arkaly, mysal üçin, UEFA çempionat ligasy, “Bass Pro Shops Legends of Golf” ýaryşy, “The Open Championship and PGA Tour” golf ýaryşy, beýsbol boýunça Baş ligasy we “Roland Garros French Open” tennis ýaryşy we “Miami Open” ýaryşy berk sport aragatnaşyklaryny ýola goýmakda uly orun tutýar. 

Gruziýa, Türkmenistan, Täjigistan, Gyrgyzystan we Özbegistan boýunça kompaniýanyň dolandyryjysy Igor Stepanow: “Biz Türkmenistany dünýä ýüzünde sportuň mekany hökmünde tanatjak şeýle ajaýyp köpugurly sport ýaryşyny goldamaga örän şat. Biz Türkmenistanyň bazarynyň diňe nagt däl görnüşli tölegler boýunça däl-de, eýsem dünýä ýüzünde aýratyn gyzykly syýahatçylyk zolagy  hökmünde mümkinçiliginiň ýokary derejededigine ynanýarys. Aşgabatda geçiriljek Aziýa oýunlarynda gyzykly sport tomaşalaryň boljakdygyna we dünýä ýüzünde adamlaryň millionlarçasynda  täsin galdyrjak ýaryşdygyna hiç hili şübhe ýok” diýip nygtady.