Ýadygärliklere we gözel ýerlere baryp görmek islendik syýahatçynyň hökmany medeni maksatnamasynyň bir bölegidir. Adatça, ýadygärlikler käbir syýasy ýa-da jemgyýetçilik işgäriniň, ýa bolmasa-da bir taryhy wakanyň hormatyna gurulýar. Ýöne dünýäde şeýle bir täsin, özboluşly, haýran galdyryjy ýadygärlikler bar — olar hem gülkünç, hem geň, hatda ilkinji göreniňde Ýeriň kanunlarynyň çygryndanam çykýan eken diýdirýär.

Surat: adme.media

Bir düwün daňylan rewolwer. Düwün bilen daňylan rewolwer görnüşindäki ýadygärlik Nýu-Ýorkda ýerleşýär. Onuň awtory — şwesiýaly suratkeş Karl Fridrih Reýterword bolup, ýadygärlik Jon Lennonyň ölüminiň hatyrasyna gurlupdyr.

Surat: adme.media

Las Kolinasyň Mustanglary. Tehasyň Irwing şäheriniň meýdançalarynyň birinde adatdaky görnüşinden az-kem uly bolan bürünçden ylgap barýan mustanglaryň birtoparynyň heýkelleri oturdyldy. Heýkeltaraşlyk kompozisiýasy ýabany atlaryň suwdan ylgaýan dinamikasyny ajaýyp şöhlelendirýär. Haýwanlaryň aýaklarynda suwuň syçramagyny alamatlandyrýan ýörite kiçijik çüwdürimler bar.

Surat: adme.media

«Syýahatçylar». Howa garylýan ýaly görünýän, adaty bolmadyk bir topar adamyň şekili Fransiýanyň Ortaýer deňziniň kenarynda ýerleşýän Marsel şäherinde oturdyldy. Olaryň awtory — heýkeltaraş Bruno Katalano. Olaryň merkezi bölegi ýok diýen ýaly bolup, ýokarsynyň howada nädip saklanýandygy hem belli däl, ol hamala ählumumy agyrlyk kanunyny inkär edýän ýaly görünýär.

Surat: adme.media

Nelson Mandelanyň GAR-daky ýadygärligi. Bu heýkelde oturdylan 50 sany polat sütün Günorta Afrikanyň meşhur syýasatçysy we ýerli halklaryň hukuklaryny goraýjy, aktiwist Nelson Mandelanyň ýüzüniň keşbini emele getirýär. Şol bir wagtyň özünde, onuň ýüzüni diňe belli bir burçdan görmek bolýar, başga gyralaryndan seretseňiz welin, ol adaty görnüşdäki «diwar» mysalydyr.

Surat: adme.media

Suwa bökýän çagalar Singapurdaky derýanyň kenaryny bezeýär. Bürünçden ýasalan bäş ýetginjek diri ýaly bolup görünýär — olardan biri çalasynlyk bilen suwa bökýär, ýene biri aýaklaryny oýnadyp kenarda otyr, ýene biri basym suwa çümmek niýeti bilen eşiklerini zyňýar. «Suwa düşüjiler» diýlip atlandyrylýan heýkeliň awtory Çong Fah Çongdyr.

Surat: smapse.ru

Adam kellesiniň yzygiderli üýtgäp durýan görnüşi bolan «Metamorfoz» çüwdürimi Demirgazyk Karolina ştatynyň Şarlotta şäherinde ýerleşýär. Kellesi ýaldyrawyk örtük bilen örtülen heýkel metal plitalardan ýasalandyr. Plastinalaryň hersi dürli tarapa aýlanýar, bu aýlanma hem internet arkaly uzakdan dolandyrylýar. Öwüşginli kelle şekilli heýkeliň agzyndan hemişe suw çüwdürilip çykyp dur.

Surat: emosurff.com

Taýwanyň Taýbeýindäki «Gippopotamlar». Bu heýkelde kiçijik begomot sürüsi göýä bir daş ýolda «ýüzüp barýan» ýalydyr. Begomotlaryň edil adaty durmuşdaky ölçeginde bürünçden guýulmagy realizme goşant goşýar.

Surat: turizm.ru

Şweýsariýanyň Wintertur şäherindäki äpet kran tebigatyň kanunlaryna ters gelýän ýaly: diňe bir howada asylan ýaly däl, ondan akýan suw hiç ýerden ýokary çykmaýan ýaly görünýär. Aslynda, kranyň suwunyň akýan ýerinden dar suw turbasy geçip, şol hem suwy ýokary galdyrýar. Soňra ýokary galan şol suw giň, güýçli akymda gaýdýar. Suwuň basyşy sebäpli turba görünmeýär, şonuň üçin kranyň özi howadan asylan ýaly bolup, oňa hiç ýerden suw galmaýan ýaly duýgyny döredýär.

Surat: turizm.ru

Agyrlyk güýjüne garşy çykýana çalym edýän ýene-de başga bir heýkel — holtumynda deňagramlylygy saklap duran piliň heýkeli. «Piller üçin agyrlyk güýjüniň aýratynlyklary» diýlip atlandyrylýan heýkel Pariždäki Fontenblo galasynda ýerleşýär. Bu heýkel Ýerden 18 müň kilometr uzaklykda agyrlyk güýjüniň şeýle bir pesdigi, hatda ol çäkde piliň öz holtumynyň ujunda başaşak-da aňsatlyk bilen durup biljekdigi baradaky ylmy pikiri alamatlandyrýar. Heýkeliň awtory fransuz suratkeşi — Daniel Friman.

Surat: adme.media

Polisiýanyň we çukurdan çykýan işçiniň gülki äheňli ýadygärligi Belgiýanyň Brýussel şäherinde ýerleşýär. Bu eserde çukurdan çykýan işçi geçip barýan polisiýanyň aýagyndan ýapyşýar, ol bolsa ýykylýan ýaly  görkezilýär. Kompozisiýanyň awtory heýkeltaraş Tom Fransen.

Surat: adme.media

«Näbelli resmi işgär» ýadygärligi Islandiýanyň paýtagty Reýkýawigiň köçeleriniň birinde guruldy. Onuň aşaky bölegi kostýumly we elinde portfeli bar, ýöne bedeniniň ýokarky bölegi we kellesi adaty doly ýasalmadyk tokga daş görnüşindedir. Magnus Tomassonyň döreden ýadygärligi ähli ýurtlaryň we halklaryň ýolbaşçylaryny alamatlandyrýan äheňde diýlip beýan edilýär.

Surat: smapse.ru

Awstraliýanyň Sidneý şäherinde «Asmana uzaýan basgançak» bar. Ýalpyldawuk metaldan ýasalan gurluş deňziň kenarynda bolup, bir tarapdan seretseň, asmana eltýän ýaly şekildedir.

Surat: smapse.ru

Nebraskadaky meşhur Stownhenje öýkünip, amerikaly suratkeş Jim Reýnders «Karhenj» eserini döretdi. Stownhenjiňki ýaly daşlaryň ýerine, munda köne awtoulaglar ulanyldy, ýagny olardan ikisi ýere girizilip, üçünjisi bolsa üstünden goýuldy.

Peýdalanylan çeşmeler: www.turizm.ru; adme.media; smapse.ru; trendymen.ru; emosurff.com

Şeýle-de okaň:

• Dünýäniň iň hasratly ýadygärlikleriniň taryhy: gözýaşly wakalar