«Nebitçi» saglygy dikeldiş şypahanasy — «Türkmennebit» döwlet konserniniň «Nebitgazdüýpliabatlaýyş» trestine degişli Balkanabat şäherindäki saglygy dikeldiş edaralarynyň köp wagtdan bäri işläp gelýänleriniň biridir.

Bu ýerde ýerli ilata giň gerimli lukmançylyk hyzmatlary hödürlenilýär, bu ýerde esasy bejergi alýanlar we saglygyny dikeldýänler nebitçiler we gazçylardyr — diýip, «Neýtralnyý Turkmenistan» gazeti habar berýär.

Şypahanada gan basyş bozulmalary, ýürek ýetmezçiligi, artrit, hereket ediş ulgamynyň keselleri bilen ýüzbe-ýüz bolan näsaglar bejergi geçip bilerler.

Şypahanada häzirki zaman bejergi usullary ulanylýar, aýratyn üns bolsa tebigy serişdelerden peýdalanmaklyga berilýär: bişofit wannalary, palçyk we mineral suw bilen bejergiler, palçykly aplikasiýalar, owkalamalar, örtmeler we ş.m.

Şypahana bir wagtda 100 adamy kabul edip bilýär, olaryň bejergi we dynç alyşlary üçin ähli amatlyklar döredilendir. Milli tagamlary öz içine alýan, kaloriýasy gözegçilikde saklanýan üç gezek naharlanma hem sagaldyş şertlerini ýeňilleşdirýär.

«Nebitçi» Uly Balkan dagynyň eteginde, Balkanabat şäheriniň gözel ýerinde ýerleşýär. Bagçylyk seýilbagyň toplumy we kislorod bilen baýlaşdyrylan arassa dag howasy myhmanlaryň saglygyna oňyn täsir edýär. Şypahanada saglygyny dikeldýänler agaçlaryň arasynda gezelenç edýärler, bu ýerdäki saýaly we pürli agaçlar tomsuň yssy günlerde salkyn howaly gurşawy döredýär — diýip, neşirde bellenilýär.