Girmek
Türkmenistanyň Senagat we gurluşyk önümçilik ministri Toýguly Nurow 23 – 27-nji noýabr aralygynda Saud Arabystany Patyşalygynyň Er-Riýad şäherinde geçirilýän Birleşen Milletler Guramasynyň Senagat ösüşi boýunça guramasynyň (UNIDO) 21-nji Baş maslahatynyň çäklerinde Gazagystan Respublikasynyň Senagat we gurluşyk ministri Ýersaýyn Nagaspaýew bilen duşuşdy. Bu barada daşary syýasat edarasy habar berýär.
Duşuşygyň barşynda senagat hyzmatdaşlygyny, esasan hem, metallurgiýa, maşyn gurluşygy we gurluşyk serişdeleri önümçiliginde hyzmatdaşlygy giňeltmegiň möhümdigine üns çekildi. Taraplar Türkmenistanda we Gazagystanda öndürilýän gurluşyk serişdeleriniň eksportyny we importyny artdyrmagyň mümkinçiliklerini ara alyp maslahatlaşdylar.
T.Nurow Türkmenistanda hereket edýän sement zawodlarynyň ýokary hilli sement önümleriniň birnäçe görnüşini öndürýändigini belläp, bu önümiň eksport mümkinçilikleriniň bardygyny mälim etdi. Ministr «Türkmen aýna önümleri» zawodynyň işi barada hem gürrüň berdi.