Şu gün Liwiýanyň Aşgabatdaky ilçihanasy Türkmenistana zeýtun agajynyň 100 sany nahalyny sowgat etdi.

Ählihalk bag ekmek dabarasynyň çäginde Liwiýanyň ilçisi Mahmud Hasan, ilçihananyň işgärleri, Oba-hojalyk ylmy-barlag institutynyň hünärmenleri zeýtun nahallaryny ylmy-barlag institutynyň Änew şäherindäki ýerlerinde oturtdylar.

Ilçihananyň «Turkmenportala» beren habaryna görä, geljekde Türkmenistana has köp nahal getirmek meýilleşdirilýär.