5 – 20-nji oktýabr aralygynda Müsür döwletiniň paýtagty Kair şäherinde parapauerlifting boýunça dünýä çempionaty geçirildi. Bu ýaryşa 70 ýurtdan 527 türgen gatnaşdy. Türkmenistanyň milli ýygyndysy bu çempionatda dört medal — iki kümüş we iki bürünç medal gazandy.

Kümüş medallara ýaşlaryň arasynda 54 kilogram agram derejesinde ikinji orny eýelän Muhammet Hojaýew we uly ýaşlylaryň arasynda 97 kilogram agram derejesinde çykyş eden Öwezgeldi Orjiýew mynasyp boldy.

Uly ýaşlylaryň arasynda 72 kilogram agram derejesinde çykyş eden Sergeý Meladze bolsa iki bürünç medal gazanmagy başardy.