Girmek
Horwatiýanyň Rumyniýadaky ilçihanasynda Türkmenistanyň Rumyniýadaky ilçisi A. Annayew bilen Horwatiýanyň Rumyniýadaky ilçisi hanym Mariýa Kapitanowiçiň duşuşygy geçirildi.
Duşuşygyň dowamynda taraplar ikitaraplaýyn hyzmatdaşlygyň häzirki meselelerini ara alyp maslahatlaşdylar hem-de iki ýurduň arasyndaky dostlukly gatnaşyklary mundan beýläk-de pugtalandyrmaga taýýardygyny beýan etdiler.
Şeýle hem 2025-nji ýylyň 7-8-nji oktýabrynda Horwatiýa Respublikasynyň Daşary işler we Ýewropa işleri ministri Gordan Grlik-Radmanyň Türkmenistana amala aşyran saparynyň özara düşünişmegi çuňlaşdyrmaga we syýasy, ykdysady hem-de ynsanperwer ugurlarda hyzmatdaşlygyň ösdürilmegine täze itergi berendigi bellenildi.
Taraplar ikitaraplaýyn duşuşyklary, işewürlik gatnaşyklary we özara saparlary yzygiderli geçirmegiň hem-de halkara çärelere işjeň gatnaşmagyň iki ýurduň arasyndaky dostlukly gatnaşyklary berkitmekde möhüm ähmiýete eýedigini nygtadylar.