Türkmenistanda «Awaza» döwlet elektrik stansiýasynda şu ýylyň başyndan bäri 870 million 506 müň kilowat-sagat elektrik energiýasy öndürildi.

«Türkmenistan: Altyn asyr» elektron neşiriniň habar bermegine görä, bu görkezijiler meýilleşdirilen möçberden 20 million 506 müň kilowat-sagat artyk bolup, önümçiligiň ösüş depgini 110 göterime ýetdi.

Stansiýa dürli derejedäki myhmanhanalary, şypahanalary, toplumlary, dynç alyş we saglygy dikeldiş merkezlerini, şeýle hem jemgyýetçilik-medeni maksatly binalary elektrik energiýasy bilen bökdençsiz üpjün edýär.

Şeýle hem bu kärhana diňe bir Balkan welaýatynyň däl-de, eýsem tutuş ýurduň elektrik energiýasyna bolan islegini kanagatlandyrmakda möhüm ähmiýete eýedir.