Şu gün Türkmenistanyň saglygy goraýyş we derman senagaty işgärleriniň güni mynasybetli Daşoguz şäherinde 400 orunlyk Enäniň we çaganyň saglygyny goraýyş merkeziniň düýbüni tutmak dabarasy boldy. «Watan» habarlar gepleşiginde habar berlişi ýaly, dabara medeniýet we sungat ussatlarynyň joşgunly çykyşlary bilen utgaşdy.

Dabaranyň başynda Daşoguz welaýatynyň häkimi Prezident Serdar Berdimuhamedowyň ýurduň saglygy goraýyş we derman senagaty ulgamynyň işgärlerine iberen Gutlagyny okady.

Bu ýere ýygnananlaryň şowhunly el çarpyşmalary astynda ýadygärlik ýazgyly gutujyk gurluşyk meýdançasyna atylyp, merkeziň düýbi tutuldy.