18-nji sentýabrda Aşgabat şäherinde Türkmenistanyň Garaşsyzlygynyň 34 ýyllygy mynasybetli guralýan ykdysady üstünlikleriň sergisi öz işine başlar. Bu barada Türkmenistanyň Söwda-senagat edarasynyň resmi saýtynda habar berilýär.

Sergä gatnaşyjy hökmünde ýurdumyzyň ministrlikleri we pudaklaýyn edaralary, şeýle hem Senagatçylar we telekeçiler birleşmesiniň agzalary gatnaşarlar.

Serginiň diwarlyklary ykdysadyýet, energetika we senagat, nebit-gaz, nebit-himiýa, dokma senagaty we halyçylyk, gurluşyk we gurluşyk serişdeleri, binagärlik, ulag, aragatnaşyk, kommunikasiýa, oba hojalygy, gaýtadan işleýän we azyk senagaty, saglygy goraýyş we lukmançylyk senagaty, bilim, sport, syýahatçylyk, neşirýat işi hem-de tebigaty goramak ýaly ugurlardaky üstünliklere bagyşlanar.

Sergi 20-nji sentýabra çenli dowam eder.

Serginiň geçirilýän ýeri: Türkmenistanyň Söwda-senagat edarasynyň binasy, Çandybil şaýoly, 143.

Serginiň iş wagty: 09:00 – 18:00.