Girmek
Türkmenistanyň Daşky gurşawy goramak ministrliginiň Gidrometeorologiýa baradaky gullugy ýurdumyzyň çäginde 4–5-nji iýul günleri güýçli şemalyň bolmagyna garaşylýandygyny habar berýär.
Gullugyň maglumatlaryna görä, iň güýçli şemal Balkan we Mary welaýatlarynda bolup biler — bu ýerde ýeliň tizligi sekuntda 15 metre çenli ýetip biler. Aşgabatda bolsa şemalyň tizligi 12–14 m/s arasynda bolmagyna garaşylýar.
Bu şemally howa aşa yssy bilen utgaşmagy mümkindir. Aşgabatda howanyň temperaturasy +39°C çenli, Daşoguz welaýatynda bolsa +42°C çenli ýokarlanyp biler.
Çaklamalara görä, şemally howa iki gün dowam eder. Meteorologlar şeýle howa hadysalarynyň sebit üçin tomus möwsümine mahsusdygyny belleýärler.