Awstraliýanyň Tasmaniýa ştatynda 150-den gowrak kiçi kosatka balyklary özüni kenara taşlady. Bu ýagdaý soňky 50 ýylda ilkinji gezek boldy diýip, ýerli ABC teleýaýlymyna salgylanýan «rg.ru» habar berdi.

Olaryň 90-a golaýynyň diridigini habar berilýär. Deňiz süýdemdirijilerini halas etmek üçin degişli gulluklaryň işgärleri göreşýärler. Olar deňiz jandarlaryny yzyna — deňze goýbermek üçin synanyşýarlar.Tasmaniýanyň Seýilgähler we ýabany tebigat gullugynyň wekili Brendon Klarkyň aýtmagyna görä, jandarlar açyk kenarda 24-den 48 sagada çenli ýaşap bilýärler.

Kosatkalaryň nämüçin kenara çykandyklarynyň sebäbi belli däl diýlip, habarda aýdylýar.