Şu gün Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Gazagystan Respublikasynyň Premýer-ministriniň orunbasary, daşary işler ministri Murat Nurtleu bilen telefon arkaly söhbetdeş boldy.

Gazagystanyň Daşary işler ministrliginiň metbugat gullugynyň habar bermegine görä, söhbetdeşlikde ikitaraplaýyn we sebitleýin hyzmatdaşlygy mundan beýläk-de ösdürmegiň geljegi, şeýle-de BMG we beýleki halkara guramalaryň çägindäki gatnaşyklary ara alyp maslahatlaşdylar.

Söhbetdeşligiň dowamynda ministrler sebit we halkara gün tertibiniň meseleleri, şeýle-de şu ýylda geçirilmegi meýilleşdirilýän ýokary derejeli çäreleriň we sammitleriň meýilnamalary boýunça-da pikir alyşdylar.