Girmek
Gazagystan Respublikasynyň Premýer-ministri Olžas Bektenow Türkmenistanyň Prezidenti Serdar Berdimuhamedowa Täze ýyl gutlagynda ýurtlaryň arasynda 2024-nji ýylda gatnaşyklaryň täze belentliklere ýetendigini nygtady.
«2024-nji ýylyň Gazagystan bilen Türkmenistanyň arasyndaky dostlukly gatnaşyklaryň we netijeli hyzmatdaşlygyň täze sepgitlerine beslenendigini, doganlyk halklarymyzyň arasyndaky umumy bähbitlere laýyk gelýän hyzmatdaşlygyň has-da ösdürilendigini bellemek isleýärin. Ýetip gelen ýylda hem hyzmatdaşlygymyzyň iki dostlukly ýurduň abadançylygynyň bähbidine dowam etdiriljekdigine ynanýaryn» — diýlip, TDH agentliginiň çap eden gutlagynda bellenilýär.
Bektenow Serdar Berdimuhamedowa berk jan saglyk, döwlet işlerinde üstünlikler, Türkmenistanyň doganlyk halkyna bolsa parahatçylyk, abadançylyk we bagtyýarlyk arzuw etdi.