Girmek
Russiýanyň Türkmenistandaky ilçisi Iwan Wolinkin 2024-nji ýylda Aşgabat bilen Moskwanyň arasyndaky hyzmatdaşlygyň netijelerine bagyşlanan metbugat ýygnanyşygynda Russiýanyň Türkmenistandan dokma, oba hojalyk önümleri we dökünler ýaly harytlaryň importyny artdyrmak isleýändigini aýtdy.
Wolinkin bu harytlaryň Russiýa eksportynyň artmagynyň ikitaraplaýyn gatnaşyklary pugtalandyrjakdygyny belledi. Şeýle hem, ilçi Türkmenistanyň Russiýa pomidor eksportynda eýýäm Özbegistandan öňe geçendigi, bu bolsa türkmen önümleriniň ýokary hilini görkezýändigini nygtady.
«Pomidor hakykatdan hem ýokary hilli, tagamly we gaty gowy. Şol sebäpden, Türkmenistanyň Russiýa Federasiýasyna eksport mümkinçiligini artdyrmak isleýäris» diýip, ilçi aýtdy.