Girmek
Türkmenistanyň öňdebaryjy onlaýn-kinoteatry bolan «Belet Film» mobil goşundysyndaky wideopleýeriň giňişleýin täzelenendigini mälim etdi. Işläp düzüjiler onuň ulanmak üçin aňsat bolmagyna uly üns bermek bilen, pleýeriň dizaýnyny we işleýşini dolulygyna gaýtadan işlediler.
Pleýeriň täze görnüşinde interfeýsiň özboluşlylygyna aýratyn üns berilýär. Işläp düzüjiler wideopleýeri bir elde oňaýly ulanmak üçin dolandyryş elementleriniň ýerleşişini amatly görnüşe getirdiler, ondan artykmaç elementleri aýryp, ähli nyşanjyklary kadalaşdyrdylar.
Girizilen täzeliklerden esasy şulary bellemek bolar:
- dilleri, audio ýazgylary we subtitrleri geçirmek ýönekeýleşdirildi;
- Wi-Fi birikmesiniň ýagdaýy barada habarnama beriş ulgamy;
- bar bolan maglumatlara çalt girmek mümkinçiligi bilen kontentiň ýaş çäklendirmeleri barada maglumat bermek ulanyjynyň howpsuzlygyny üpjün edýär
- pleýerde seriallaryň dowamyna tomaşa etmegi dowam etdirmek.
«Belet Filmiň» habar bermegine görä, täzelenen pleýer ulanyjylara az sanly düwmeleri basmak bilen ähli funksiýalara girmäge mümkinçilik berýär we kontentlere tomaşa etmegi juda oňaýly edýär.
Has giňişleýin maglumat almak üçin ulanyjylar telefon arkaly sorag-jogap gullugy bilen habarlaşyp bilerler: (+993 12) 75 02 08.
«Belet Film» mobil goşundysyny «Play Market» we «AppStore» internet dükanlaryndan ýükläp alyň.