Girmek
Rumyniýaly pianinoçy Turzo Zoltan 30 sekundyň dowamynda saz guralynyň düwmelerine 500 gezek kakyp, Ginnesiň rekordlar kitabyna girmegi başardy diýip, «MIR 24» ýazýar.
Zoltanyň bu rekordy onuň merhum ejesiniň hatyrasyna bagyşlap Bihariýa obasynda guralan konsert çykyşynda resmi däl görnüşde hasaba alyndy diýip, «UPI» neşiri ýazýar. Ol öz gazanan üstünliginiň wideosyny Ginnesiň rekordlar kitabyna ýollady. Mundan öňki rekord ýapon sazandasy Keýt Hattorä degişlidir, ol ýarym minutda düwmelere 495 gezek basmagy başarypdy.
Sazanda Zoltan birnäçe saz rekordlarynyň eýesidir. Ol öň alty kilometrlik belentlikde roýalda saz çaldy we fortepianoda iň uzak wagt, ýagny 130 sagat saz çalmagy başardy.