Ozal habar berşimiz ýaly, 27-nji awgustda Türkmenistanyň döwlet çeperçilik akademiýasynyň sergi zalynda «Türkmen-eýran ýöriteleşdirilen moda we lybaslar sergisi» açyldy. Çäräni Eýran Yslam Respublikasynyň Türkmenistandaky ilçihanasynyň Medeniýet merkezi Türkmenistanyň Dokma senagaty ministrligi bilen bilelikde guraýar.

Sergide dokma kärhanalarynyň we iki ýurduň meşhur brendleriniň ýokary hilli önümleri görkezilýär. Eýranyň sungat ussady tarapyndan geçiriljek ussatlyk sapagy aýratyn gyzyklanma döreder.

Sergi 29-njy awgusta çenli dowam edip, myhmanlara Türkmenistanyň we Eýranyň moda we dokma pudagyndaky soňky üstünlikler bilen tanyşmaga ajaýyp mümkinçilik döreder.

Bu çäre iki ýurduň arasyndaky medeni we ykdysady gatnaşyklary pugtalandyrmak, şeýle hem ýeňil senagatda hyzmatdaşlygyň mümkinçiligini görkezmek üçin gowy mümkinçilik bolar.