Şu gün Malaýziýanyň Kuala-Lumpur şäherinde 2025-nji ýylda Hytaýda geçiriljek 20 ýaşa çenli ýaşlar ýygyndylarynyň arasyndaky futbol boýunça Aziýanyň kubogynyň saýlama tapgyrynyň bijeleri çekildi.

Bije çekişligiň netijesinde Türkmenistanyň 20 aýaş çenli ýaşlar ýygyndysy «I» toparça wekilçilik etdi. Türkmen futbolçylary bu toparçada Ýaponiýanyň, Gyrgyz Respublikasynyň (ýer eýeleri) we Mýanmanyň ýygyndylary bilen duşuşar.

Toparçanyň duşuşyklary şu ýylyň 21 ― 29-njy sentýabry aralygynda Bişkek şäherinde geçiriler.

Yklym çempionatynyň final bölegi bolsa geljek ýylyň 6 ― 23-nji fewraly aralygynda Hytaýda bolar. Oňa saýlama tapgyrdaky 10 toparçanyň ýeňijisi we ikinji orny eýelän ýygyndylaryň iň gowy 5-si gatnaşyp biler.

«A» toparça: Wýetnam (ýer eýesi), Siriýa, Bangladeş, Butan, Guam;
«B» toparça: Özbegistan, Bahreýn, Taýwan (ýer eýesi), Kamboja, Nepal;
«C» toparça: Koreýa Respublkasy, Liwan, BAE, Kuweýt (ýer eýesi), Demirgazyk Marian adalary;
«D» toparça: Awstraliýa, Saud Arabystany (ýer eýesi), Palestina, Owganystan, Makao;
«E» toparça: Täjigistan (ýer eýesi), Oman, Malaýziýa, Şri-Lanka, KHDR;
«F» toparça: Indoneziýa (ýer eýesi), Ýemen, Timor-Leşti, Maldiwler;
«G» toparça: Eýran, Mongoliýa, Hindistan, Laos (ýer eýesi);
«H» toparça: Yrak, Taýland (ýer eýesi), Filippinler, Bruneý;
«I» toparça: Ýaponiýa, Gyrgyzystan (ýer eýesi), Mýanma, TÜRKMENISTAN;
«J» toparça: Iordaniýa, Katar (ýer eýesi), Singapur, Gonkong, Hytaý.