Girmek
Belarusyň «Witebsk» toparynyň futbolçysy Wepa Jumaýew Türkmenistanyň futbol boýunça milli ýygyndysyna iýun aýyndaky duşuşyklarda kömek edip bilmez.
Ol şikes sebäpli milli ýygyndynyň Antalýa şäherindäki (Türkiýe) okuw-türgenleşik ýygnanyşygyna gatnaşyp bilmeýär.
Milli ýygyndynyň metbugat gullugy oýunçynyň Belarusyň çempionatynda şikes alandygyny habar berdi.
Milli ýygyndynyň tälimçiler düzüminiň mundan habary bardy, olar oýunçynyň 6-njy iýunda Özbegistan bilen boljak duşuşyga çenli sagaljakdygyna ynanýardylar. Şikes bolsa barha güýjedi. Şu zerarly milli ýygyndynyň agzalary futbolça basymrak saglygyna gowuşmagy arzuw etdi.