Girmek
Saud Arabystany Türkmenistana 25 tonna hurma sowgat berdi. Yslam dininde mukaddes hasaplanýan bu miwe ýükli tapgyr Patyşa Salmanyň goldaw we ynsanperwer kömek merkezi tarapyndan sowgat berildi diýip, «Turkmenportal-yň» habarçysy habar berýär.
Ýüki gowşuryş dabarasy Saud Arabystanynyň Aşgabatdaky ilçihanasynda geçirildi. Alnan hurmalar Türkmenistandaky metjitleriň we musulman jemagatlarynyň arasynda paýlanar.
Çäräniň çäklerinde Saud Arabystany Patyşalygynyň ilçisi Said Osman Ahmed Suweýd Türkmenistan müftüsiniň müdiriýetiniň wekili bilen duşuşdy. Duşuşykda türkmen tarapy iki ýurduň arasyndaky berk dostluk gatnaşyklaryny alamatlandyrýan bu sahy sowgat üçin tüýs ýürekden hoşallyk bildirdi.
Hurma tebigy şekeriň, kletçatkanyň, witaminleriň we minerallaryň gymmatly çeşmesidir. ol erkin radikallara garşy göreşmäge we saglygy goramaga kömek edýän antioksidantlara baýdyr. Mundan başga-da, hurma gurplandyryjy häsiýetlere eýedir hem-de energiýany we çydamlylygy ýokarlandyrmak üçin peýdaly bolup biler.