Girmek
Türkmensitanyň ýygyndy topary Daşkent şäherinde geçirilýän agyr atletika boýunça Aziýa çempionatynda ilkinji medalyny gazandy.
Has takygy, 81 kilograma çenli agram derejede çykyş eden Gaýgysyz Töräýew itekläp götermekde 189 kilogram görkeziji bilen kiçi bürünç medala, iki görnüşiň jemi boýunça 337 kilogram netije bilen uly bürünç medala eýe boldy. Bu agram derejede iki görnüşiň jemi boýunça altyn medal Koreýa Halk Demokratik Respublikasynyň wekili Ri Çong Songa (silterläp götermekde 169 kg, itekläp götermekde 200 kg, iki görnüşiň jemi boýunça 369 kg), kümüş medal bolsa gazagystanly Aleksandr Uwarowa (silterläp götermekde 153 kg, itekläp götermekde 190 kg , iki görnüşiň jemi boýunça 343 kg) nesip etdi.
Ýeri gelende bellesek, Daşkentde geçirilýän agyr atletike boýunça Aziýa çempionaty 10-njy fewrala çenli dowam eder.