Girmek
Futbol taryhynyň we statistikasynyň halkara federasiýasy (IFHHS) 2023-nji ýylyň netijeleri boýunça dünýäniň iň meşhur ligalarynyň sanawyny paýlaşdy.
Sanawa Ýer ýüzi boýunça 100 liga girizildi. 100-nji basgançagynda Botswananyň çempiony görkezilen sanawda Türkmenistanyň Ýokary ligasy 98-nji orny eýeleýär. Ýakyn goňşularymyzdan Özbegistan 67-nji, Gazagystan bolsa 82-nji orunda.
Italiýanyň Seria A ligasy taryhynda 12-nji gezek bu sanawyň birinji basgançagyna çykdy. Liga geçen ýyldaky ornuny dört basgançak beýgeldip, bäşinji orundan liderlige göterildi. Angliýanyň Premýer ligasy soňky ýedi ýylyň içinde altynjy gezek ikinji orny eýeledi. Ispaniýanyň La Ligasy soňky iki ýyldan bäri bu sanawyň üçünji basgançagynda. Geçen ýylky lider Braziliýa üç basgançak peselip, dördünji orna çenli düşdi. Ilkinji bäşligi Germaniýanyň Bundesligasy jemleýär.
Ýokary liga Türkmenistanyň iň güýçli 9 toparynyň gatnaşýandygyny ýatladýarys. Geçen ýyl liga täze döredilen «Arkadag» toparynyň çempionlygy bilen tamamlandy.
TFF täze möwsümde 4-nji mart güni badalga bermegi meýilleşdirýär.