Girmek
Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Daniýanyň Patyşasy, Onuň Alyjenaby Fridrih X tagta geçmegi mynasybetli ýürekden gutlaglaryny we iň gowy arzuwlaryny iberdi. Bu barada «Watan» habarlar gepleşiginde habar berildi.
– Siziň hökümdarlyk etmegiňizde Daniýanyň durmuş-ykdysady babatda ýokary ösüşleri gazanjakdygyna, ikitaraplaýyn gatnaşyklarymyza bolsa täze itergi beriljekdigine ynanýaryn — diýip, Türkmenistanyň Prezidenti gutlag hatynda belledi.
Prezident Serdar Berdimuhamedow, mümkinçilikden peýdalanyp, Onuň Alyjenaby Fridrih X berk jan saglyk, şahsy bagtyýarlyk we abadançylyk, Daniýanyň halkyna bolsa parahatçylyk, öňegidişlik we gülläp ösüş arzuw etdi.