Aziýanyň iň güýçli futbol toparlaryny bir ýere jemleýän AFK-nyň Çempionlar ligasynyň «Günbatar» zolagyndan pleý-off tapgyrynda çykyş etjek toparlar kesgitlendi.

Şeýlelikde, çykyş eden toparçalarynda birinji orunlary eýelän Birleşen Arap Emirlikleriniň «Al-Aýn» («A» toparça), Özbegistanyň «Nasaf» («B» toparça), Saud Arabystanynyň «Al-Ittihad» («C» toparça), Saud Arabystanynyň «Al-Hilal» («D» toparça) hem-de Saud Arabystanynyň «Al-Nasr» («E» toparça) klublary ýaryşy dowam etdirmäge mümkinçilik aldylar.

Toparçalaryň başynda ýerleşen bäş klubdan başga-da, ikinji orna eýe bolan toparlaryň hem üçüsi — Saud Arabystanynyň «Al-Feýhasy» («A» toparça), Eýran Yslam Respublikasynyň «Sepahany» («C» toparça) we Özbegistanyň «Nawbahory» («D» toparça) nobatdaky tapgyrda çykyş etmäge hukuk gazandy.

Mundan başga-da, eýýäm AFK-nyň Çempionlar ligasynyň 2023/2024-nji ýyllaryň futbol möwsüminiň «Günbatar» zolagy boýunça 1/8 finalynyň bije çekişliginiň torbalary hem kesgitlendi. Bije çekişlige ýaryşyň nobatdaky tapgyryna çykan 8 topar gatnaşyp, olar 2 torba bölündi.

1-nji torba:

«Al Hilal» (Saud Arabystany)

«Al-Ittihad» (Saud Arabystany)

«Al Nasr» (Saud Arabystany)

«Al Aýn» (BAE)

2-nji torba:

«Al Feýha» (Saud Arabystany)

«Sepahan» (Eýran)

«Nawbahor» (Özbegistan)

«Nasaf» (Özbegistan)

1/8 final tapgyrynyň bijeleri 2023-nji ýylyň 28-nji dekabrynda çekiler. Ilkinji duşuşyklar 13-14-nji we 20-21-nji fewralda geçiriler. Jogap duşuşyklary bolsa 5-6-nji we 12-13-nji martda guralar.