Girmek
Çarşenbe güni, 6-njy dekabrda Türkmenistanyň Söwda-senagat edarasynda Türkiýe Respublikasynyň eksport harytlarynyň sergisi açylar. Ol öz işini 8-nji dekabra çenli dowam eder.
Guramaçylar Türkmenistanyň ministrlikleriniň we pudaklaýyn dolandyryş edaralarynyň isleg bildirýän wekillerini, Türkmenistanyň Senagatçylar we telekeçiler birleşmesiniň agzalaryny, işewürleri we Türkmenistanyň raýatlaryny, şeýle-de daşary ýurt kompaniýalarynyň wekillerini sergä gatnaşmaga çagyrýarlar.
Serginiň iş tertibi:
6-njy dekabr – 11:00-dan 18:00-a çenli;
7-nji dekabr – 9:00-dan 18:00-a çenli;
8-nji dekabr – 9:00-dan 15:00-a çenli.
Sergi şu görkezilen salgyda geçiriler: Aşgabat ş., Çandybil şaýoly, 143.
Habarlaşmak üçin telefon belgileri: (+99212) 39-88-70, 39-88-84/83/82.
Ýeri gelende ýatlatsak, mundan ozal serginiň çäklerinde Türkmen-türk işewürler maslahatynyň hem-de Ykdysady hyzmatdaşlyk boýunça hökümetara türkmen-türk toparynyň ýedinji mejlisiniň geçiriljekdigini habar beripdik.