Girmek
Aşgabatda «Durnukly ulag: durnukly ösüşe goşant» atly halkara ylmy we amaly maslahat geçirilýär. Bu barada «Turkmenportal»-yň habarçysy habar berdi.
Foruma Demir ýollary hyzmatdaşlygy guramasynyň, Awtomobil ulaglarynyň halkara birleşiginiň, Ykdysady Hyzmatdaşlyk Guramasynyň, Halkara howa gatnawy assosiasiýasynyň ýolbaşçylarydyr wekilleri wideoaragatnaşyk arkaly gatnaşdy.
Türkmenistanyň Ministrler Kabinetiniň ýanyndaky Ulag we kommunikasiýa agentliginiň başlygy Mämmethan Çakyýew durnukly ulag ulgamyny we ählumumy hyzmatdaşlygy ösdürmekde Aşgabadyň ileri tutýan ugurlary barada hasabat berdi.
Maslahatyň mejlislerinde gatnaşyjylar ählumumy tejribe we durnukly ulagyň geljekdäki ösüşi, täze tehnologiýalary ornaşdyrmak, ulaglaryň howpsuzlygydyr netijeliligini ýokarlandyrmak, ulaglaryň daşky gurşawa ýaramaz täsirini azaltmak we beýleki meseleler boýunça pikir alyşdylar.