Girmek
Merkezi Aziýa ýurtlarynyň 16 sany ýokary derejeli hökümet işgärinden we energetika pudagynyň bilermenlerinden ybarat topar «Iş ýüzünde durnukly energetika: Gruziýanyň üstünlikleri we ÝB-niň iň gowy tejribeleri» mowzugy boýunça Gruziýa sapar bilen bardylar. Sapar Ýewropa Bileleşiginiň (ÝB) çakylygy boýunça guraldy diýip, «nCa» internet portaly habar berdi.
Ýewropa Bileleşigi tarapyndan maliýeleşdirilýän Merkezi Aziýada durnukly energetika baglanyşyklary (SECCA) taslamasy tarapyndan guralan okuw sapary 13—21-nji noýabr aralygynda geçirildi. Onda myhmanlar Gruziýanyň ÝB-niň syýasatlaryna we Energetika Bileleşiginiň standartlaryna laýyklykda gelýän üstünlikli energetika pudagyndaky özgertmeleri bilen tanyşdyryldy.
SECCA taslamasy okuw sapary wagtynda guralan duşuşyklary, gezelençleri, çekişmeleri we özara gatnaşyklary gatnaşyjylaryň islegleri we ileri tutulýan ugurlary bilen utgaşdyrmaga çalyşdy diýip, çeşme belleýär.
Bu maksatnama gatnaşyjylar bilen hökümet we hökümete dahylsyz guramalaryň ýerli hünärmenleriniň, hususy pudagyň wekilleriniň we maýadarlarynyň arasynda giňişleýin bilim alyşmaga mümkinçilik berdi.