«Türkmenistan» awiakompaniýasy 2023-nji ýylyň 8-nji awgustyndan 28-nji oktýabry aralygynda Aşgabat — Moskwa — Aşgabat ugurlarynda uçuşlaryň togtadylýandygyny habar berdi.

«Türkmenistan» awiakompaniýasy Moskwanyň ýerine şol meýilnama boýunça Kazana uçar. Bu barada awiakompaniýanyň resmi web sahypasynda habar berildi. Moskwa petek satyn alan ýolagçylar goşmaça tölegsiz uçuşlary Kazana gaýtadan resmileşdirip bilerler ýa-da pullaryny doly yzyna gaýtaryp bilerler.

«Türkmenistan» awiakompaniýasy» açyk görnüşli paýdarlar jemgyýeti 2023-nji ýylyň 8-nji awgustyndan 28-nji oktýabry aralygynda Aşgabat — Moskwa — Aşgabat ugurlaryndaky gatnawlary togtadylýar. Russiýa döwletine uçuşlar Aşgabat — Kazan — Aşgabat ugurlarynda amala aşyrylar.
Moskwa — Aşgabat ugry boýunça petekleri bolan ýolagçylar awiapetekde görkezilen senä we wagta görä ugramazdan 3 sagat öň Kazana özi gelmeli» diýlip, habarda aýdylýar.

Ýolagçylaryň isleglerine görä şu aşakdaky görkezilenler hödürlenýär:

Awiapetegi täzeden resmileşdirmek:

• Aşgabat — Moskwa — Aşgabat ugry boýunça resmileşdirilen petekleri, ýolagçynyň razylygy bilen, Aşgabat — Kazan — Aşgabat ugry boýunça tölegsiz täzeden ýazylyp beriler.
• Kassalarda awiapetegi täzeden resmileşdirilmeginiň zerurlygy ýok. Ýolagçylar awiapetekde görkezilen senä we wagta görä Aşgabatda we Kazanda howa gämisine münmek üçin belligi alnyp bilerler.

Pul serişdeleriň yzyna gaýtarylmagy:

• Aşgabat — Kazan — Aşgabat ugry boýunça ýerine ýetiriljek gatnawlara petegi üýtgetmek islemeýän ýolagçylara, awiakompaniýanyň häzirki hereket edýän düzgünlerine we görkezmelerine laýyklykda, tutumsyz doly yzyna gaýtarylar.

Pul serişdeleri diňe awiapetegiň satyn alynan ýurdunda yzyna gaýtarylýar.

Ozal «Turkmenportal» «Türkmenistan» awiakompaniýasynyň 2023-nji ýylyň 1-nji awgustyndan Aşgabat — Moskwa — Aşgabat ugurlarynda uçuşlaryň togtatýandygyny habar beripdi. Russiýa uçuşlar Aşgabat (ASB) — Kazan (KZN) — Aşgabat (ASB) ugurlarynda amala aşyrylar.

Uçuş tertibi we petekler boýunça has giňişleýin maglumatlary awiakompaniýanyň resmi web sahypasyndan alyp bilersiňiz.