Girmek
Türkmenistanyň Täjigistandaky Adatdan daşary we Doly ygtyýarly ilçisi Aýmyrat Goçmyradow Täjigistan Respublikasynyň daşary işler ministri Sirojiddin Muhriddine ynanç hatlarynyň nusgalaryny gowşurdy. Bu barada Türkmen diplomatik bölüminiň Metbugat gullugy habar berýär.
Täjigistanyň daşary işler ministrliginiň ýolbaşçysy ilçini jogapkärli wezipä bellenmegi bilen gutlady we işinde üstünlik arzuw etdi.
Türkmen diplomaty hem öz gezeginde Türkmenistan bilen Täjigistan Respublikasynyň arasyndaky ikitaraplaýyn gatnaşyklary berkitmek we ösdürmek üçin ähli tagallalary etjekdigini aýtdy.
Ozal habar berşimiz ýaly, Türkmenistanyň Prezidenti Serdar Berdimuhamedowyň Karary bilen Aýmyrat Goçmyradow Türkmenistanyň Täjigistan Respublikasyndaky (Duşanbe şäheri) Adatdan daşary we Doly ygtyýarly ilçisi wezipesine bellenildi. Degişli Karara laýyklykda, oňa Adatdan daşary we Doly ygtyýarly ilçi diýen diplomatik dereje berildi.