Girmek
Türkmenistanyň futbol boýunça milli ýygyndysy Dünýä kubogy ― 2026-njy ikinji saýlama tapgyryndaky ilkinji duşuşygyny 16-njy noýabr güni Özbegistanyň ýygyndysy bilen öz meýdanynda geçirer.
Ozal hem habar berşimiz ýaly, bije çekişligiň netijesinde Mergen Orazowyň şägirtleri «E» toparçanyň wekili boldular. Bu toparçada Eýranyň, Özbegistanyň ýygyndylary hem-de Gonkong ― Butan duşuşygynyň ýeňijisi bar.
Dünýä kubogy ― 2026-nyň ikinji saýlama tapgyrynyň çäklerinde türkmen ýygyndysy alty duşuşyk geçirer. Şolaryň ikisi şu ýylyň noýabr aýynda, galan dördüsi bolsa geljek ýylyň mart we iýun aýlarynda geçiriler.
Dünýä kubogynyň indiki saýlama tapgyryna 9 toparçanyň ýeňijileri we öz kwartetinde ikinji orny eýelän ýygyndylar çykar. Beýleki ýygyndylar bolsa Aziýanyň kubogy ― 2027-ä çykmak üçin göreşi dowam etdirerler.
DÇ ― 2026. Saýlama tapgyr
Ikinji tapgyr. «Е» toparça
1-nji tapgyr
2023-nji ýylyň 16-njy noýabry
- Türkmenistan – Özbegistan
2-nji tapgyr
2023-nji ýylyň 21-nji noýabry
- Gonkong / Butan – Türkmenistan
3-nji tapgyr
2024-nji ýylyň 21-nji marty
- Eýran – Türkmenistan
4-nji tapgyr
2024-nji ýylyň 26-njy marty
- Türkmenistan – Eýran
5-nji tapgyr
2024-nji ýylyň 6-njy iýuny
- Özbegistan – Türkmenistan
6-njy tapgyr
2024-nji ýylyň 11-nji iýuny
Türkmenistan – Gonkong / Butan.