Girmek
Türkmenistanyň BMG-niň Ženewadaky edarasynyň ýanyndaky hemişelik wekili Atageldi Haljanow täjigistanly kärdeşi Şaraf Şeralizoda bilen gepleşik geçirdi.
Duşuşykda söhbetdeşler Türkmenistan bilen Täjigistanyň arasyndaky ikitaraplaýyn hyzmatdaşlyga, şeýle hem döwlet we dürli meseleler boýunça gepleşikleriň geljegine baha berdiler diýip, «centralasia.news» Türkmenistanyň hemişelik wekilhanasynyň sosial ulgamlaryna salgylanyp habar berdi.
Türkmenistanyň Prezidenti Serdar Berdimuhamedowyň 2023-nji ýylyň maý aýynda Täjigistana amala aşyran saparynyň ähmiýetini belläp, taraplar döwletara gepleşikleri güýçlendirmekde ýokary derejeli gatnaşyklaryň möhümdigini aýtdylar.
Ýatlap geçsek, Duşanbe şäherinde Türkmenistanyň we Täjigistanyň Prezidentleriniň arasynda geçirilen gepleşikleriň netijelerinden soň dürli ugurlar boýunça hyzmatdaşlyga degişli 23 resminama gol çekilipdi.