Girmek
Türkmenistanyň beýleki sebitlerinde bolşy ýaly, Daşoguz welaýatynda hem «Türkmenpoçta» poçta aragatnaşyk kompaniýasynyň iň döwrebap hyzmat talaplaryna laýyk gelýän bölümleri hereket edýär.
Kompaniýanyň hödürleýän hyzmatlarynyň hatarynda «gapydan gapa» çaparçylyk hyzmaty hem bar. Bu hyzmatdan döwlet düzümleri we iri guramalar bilen bir hatarda, aýratyn şahslar, hususy telekeçiler, internet-dükanlar hem işjeň peýdalanýarlar. Zerurlyk ýüze çykan ýagdaýynda müşderi çapary öýüne ýa-da iş ýerine çagyryp bilýär, gaplamak we saklamak hyzmatyny sargyt edip, ýollamanyň ýa-da iberilen beýleki bukjalaryň ýerleşýän ýerini yzarlap bilýär.
Ähli hyzmatlar, şol sanda adresatlara, hatda welaýatyň iň çetki we barmasy kyn bolan etraplaryna hem gymmatly ýollamalary hem-de möhüm bukjalary eltip bermek hyzmaty iň gysga möhletde amala aşyrylýar.
Mundan başga-da, «Türkmenpoçta» poçta aragatnaşyk kompaniýasy özüniň işläp düzen «Çapar» ykjam programmasyny kämilleşdirmegiň we onuň mümkinçiliklerini artdyrmagyň üstünde hem işlemegini dowam etdirýär.
Şeýle-de okaň: