Gyrgyzystanyň Jelalabat oblastynyň Toguz-Töre etrabyndaky Ž.Kydyrow adyndaky seýilgähde 1 müň 250 adam hor bolup, «Manas» eposyny ýerine ýetirdi. Bu barada «Inform.kz» habar berýär.

Çäre ýurduň Prezidentiniň «Manas» eposynyň trilogiýasyny («Manas», «Semeteý», «Seýtek» eposlary) – gyrgyz halkynyň bahasyz ruhy mirasyny öwrenmek we dünýä ýaýmak boýunça kararyny durmuşa geçirmegiň çäklerinde guraldy. Oňa bilim işgärleri, mekdep okuwçylarydyr çagalar baglarynda terbiýelenýän körpeler gatnaşdylar.