Girmek
Täjigistanyň SSKA futbol topary türkmenistanly hüjümçi Süleýman Muhadow bilen şertnama baglaşylandygyny habar berdi.
«Biziň toparymyza hüjümçi Süleýman Muhadow goşuldy. Süleýmana üstünlik we SSKA-nyň janköýerleriniň arasynda abraý gazanmagyny arzuw edýäris» diýip, Duşenbe şäherine wekilçilik edýän toparyň metbugat gullugy ýazdy.
29 ýaşly Muhadow topara «Hujanddan» goşuldy. Onuň täze topary Täjigistanyň futbol çempionatynyň geçen möwsümini bäşinji orunda tamamlady.
Täjigistanda täze möwsüme 1-nji aprelde badalga berilýär. Möwsümde çempionlyk üçin 10 topar ýaryşar, SSKA-da şolaryň biridir.