Girmek
Türkmenistanly ýarym goragçy Ruslan Mingazow Gonkongyň çempionatynyň 11-nji tapgyrynda HK23 toparynyň derwezesinden pökgi geçirdi.
Has takygy, oňa 88-nji minutda 11 metrlik jerime urgusyndan peýdalanmak tabşyryldy. Ol bu urgyny dürs ýerine ýetirdi. Ruslan Mingazowyň başdan-aýaga oýunda galan duşuşygy 8:0 hasabynda «Kitçiniň» ýeňşi bilen tamamlandy.
Şeýlelikde, Mingazow Gonkongyň çempionatynyň şu möwsüminde geçiren gollarynyň sanyny 11-e çykardy. Ol ýerli çempionatda gollarynyň sany boýunça çernogoriýaly topardaşy Deýan Damýanowiçden soň ikinji orunda barýar.
30 utukly «Kitçi» ýaryşyň başyny çekýär.