Girmek
«Soçi» futbol topary türkmenistanly tälimçi Gurban Berdiýewiň ýolbaşçylygynda «RPL-iň Gyşky kubogy» atly ýoldaşlyk ýaryşyna gatnaşar. Bu gysga wagtlyk ýaryşyň ähli duşuşyklary «Матч ТВ» teleýaýlymy tarapyndan göni ýaýlymda alnyp berler.
«Ýaryşa «Spartak», «Soçi», «Rostow» we «Krasnodar» toparlary gatnaşar. Ýaryş 2 ― 11-nji fewral aralygynda Abu-Dabi şäherinde geçiriler. Duşuşyklaryň teswirleýjileri Konstantin Geniç bilen Dmitriý Şnýakin bolar» diýip, rus teleýaýlymy habar berýär.
Aşakda Aşgabat wagty bilen duşuşyklaryň başlanjak wagtlary baradaky maglumaty paýlaşýarys:
2-nji fewral:
- «Rostow» ― «Spartak», 21:25.
3-nji fewral:
- «Krasnodar» ― «Soçi», 21:25.
6-njy fewral:
- «Soçi» – «Rostow», 18:55.
- «Krasnodar» – «Spartak», 21:55.
10-njy fewral:
- «Spartak» – «Soçi», 20:55.
11-nji fewral:
- «Rostow» – «Krasnodar», 21:55.