Girmek
DÇ-2022-niň ikinji tapgyrynda Kosta-Rika Ýaponiýany ýeňlişe sezewar etdi. 1:0 hasabynda tamamlanan duşuşykdaky ýeke-täk gol 81-nji minutda Keýşer Fulleriň adyna ýazyldy. Goldan soň, ýaponlar has-da hüjüme bat berdiler, emma şu gün olara Keýlor Nawasyň derwezesine top salmak başartmady.
Şeýlelikde, bu oýundan soňra «E» toparçasynda çykyş edýän Ýaponiýanyň, Kosta-Rikanyň we Ispaniýanyň hasabynda 3 utukdan bar. Germaniýa bolsa heniz utuk gazanyp bilmedi. Toparçada ikinji tapgyryň ikinji gapma-garşylygy bolan Ispaniýa — Germaniýa oýny şu gün 23:45-de başlanar.
Üçünji tapgyrda Ýaponiýa Ispaniýa bilen, Kosta-Rika bolsa Germaniýa bilen oýnar. Duşuşyklaryň ikisi hem 1-nji dekabrda şol bir wagtda geçiriler.
Ýeri gelende ýatlatsak, Türkmenistanyň çäginde dünýä çempionatynyň duşuşyklaryna «Match tv» teleýaýlymynyň üsti bilen göni ýaýlymda tomaşa etmek mümkin.