Girmek
Awstraliýanyň ýygyndysy Katarda geçirilýän futbol boýunça dünýä çempionatynyň ikinji tapgyrynda Tunisi ýeňlişe sezewar etdi. «El-Janub» stadionynda geçirilen oýun 1:0 hasabynda awstraliýalylaryň ýeňşi bilen tamamlandy.
Awstraliýa ýeňiş getiren ýeke-täk gol 23-nji minutda «Fajano Okaýamanyň» hüjümçisi Mitçell Dýukyň adyna ýazyldy.
Şeýlelikde, Awstraliýa «D» kwartetinde 3 utuk bilen ikinji orna göterildi. Toparçada birinji orun 3 utuk toplan dünýäniň häzirki çempiony Fransiýa degişli bolsa, 1 utukdan gazanan Daniýa we Tunis 3-4-nji ýerleri paýlaşyp durlar.
Toparçada ikinji tapgyyrň beýleki oýny Fransiýa bilen Daniýanyň arasynda geçiriler. Bu duşuşyk şu gün Aşgabat wagty bilen 21:00-da başlanar.
Ýeri gelende ýatlatsak, Türkmenistanyň çäginde dünýä çempionatynyň duşuşyklaryna «Match tv» teleýaýlymynyň üsti bilen göni ýaýlymda tomaşa etmek mümkin.