Türkmenistanyň Awtomobil sporty federasiýasynyň sürüjileri Merdan Toýlyýew (sürüji) we Şöhrat Toýlyýew (şturman) «Ýüpek ýoly» ralli-marafonunyň ýolsaýlamazlaryň arasyndaky ýaryşynda ýeňiji boldular. Bu ýurdumyza wekilçilik eden ekipažyň abraýly halkara bäsleşiklerindäki ilkinji üstünligidir.

Şeýle-de ýaryşyň şu görnüşinde ikinji orna Şamyrat Gurbanow – Muhammetmyrat Gurbanow, üçünji ýere bolsa Maksatmyrat Daňatarow – Didar Orazmedow ekipažy mynasyp boldular.

Bilşiňiz ýaly, «Ýüpek ýoly» halkara ralli-marafony 6 — 16-njy iýul aralygynda Russiýanyň çäklerinde geçirildi. Bu ýaryş Astrahanda badalga alyp, Moskwa şäherinde jemlendi. Ralliniň umumy uzynlygy 4474 kilometre barabar bolup, şonuň 2800 kilometri ýörite bölekden ybaratdyr.

«Ýüpek ýoly» ralli-marafony. Ýolsaýlamazlaryň arasyndaky ýaryşyň umumy jedweli:

1. Merdan Toýlyýew / Şöhrat Toýlyýew, Nissan Patrol, 48:47:25;
2. Şamyrat Gurbanow / Muhammetmyrat Gurbanow, Nissan Patrol, +0:07:47;
3. Maksatmyrat Daňatarow / Didar Orazmedow, Nissan Patrol, +3:59:44.