Girmek
Futbol boýunça ýaşlaryň arasynda geçirilýän Aziýanyň Kubogy-2022 (23 ýaşa çenli) ýaryşynyň final tapgyrynda çykyş etjek ýygyndy toparlar mälim boldy. Ýaryşyň jemleýji duşuşygynda Özbegistanyň we Saud Arabystanynyň milli ýygyndy toparlary özara güýç synanyşar.
Final tapgyra ilkinji bolup, ýarym finalda Awstraliýanyň ýygyndysyndan üstün çykan (2:0) Saud Arabystanynyň ýygyndy topary ýollanma aldy. Ýarym finalyň beýleki oýnunda bolsa Özbegistanyň topary Ýaponiýanyň ýygyndysyny ýeňmegi başardy (2:0).
Aziýanyň Kubogy-2022 ýaryşynyň finaly ýekşenbe güni — 19-njy iýunda Daşkent şäheriniň «Milliý» stadionynda (Özbegistan) geçiriler.
Ýaşlaryň arasynda geçirilýän futbol boýunça bu yklym ýaryşynyň soňky gezekki çempiony çärýek final tapgyrynda Ýaponiýanyň ýygyndysyndan ýeňlen Koreýa Respublikasynyň ýaşlar toparydyr.