Girmek
Şu gün Er-Rifa-eş-Şarki şäherindäki Bahreýn milli stadionynda Bahreýniň we Belarus Respublikasynyň futbol ýygyndylarynyň arasynda ýoldaşlyk duşuşygy geçirildi. Duşuşyk myhmanlaryň 1:0 hasabyndaky ýeňşi bilen tamamlandy. Ýeke-täk pökgini birinji ýarymda ýarym goragçy Andreý Soloweý geçirdi.
Şu gün Bangladeş bilen Mongoliýanyň ýygyndylarynyň arasynda hem ýoldaşlyk duşuşygy geçirildi. Bu duşuşykda hasap açylmady.
Ýoldaşlyk duşuşyklary bilen milli ýygyndylarynyň Aziýanyň kubogy ― 2023-iň saýlama tapgyryna taýýarlanýandygyny ýatladýarys.
Bahreýniň we Bangladeşiň ýygyndylary türkmen futbolçylarynyň saýlama tapgyrdaky garşydaşlarydyr. «E» toparçada bu üç ýygyndydan başga-da, Malaýziýanyň futbolçylary hem bar. Saýlama duşuşyklar 8, 11 we 14-nji iýun günlerinde merkezleşdirilen görnüşde Malaýziýada geçiriler.