Turkish Airlines awiakompaniýasy şu ýylyň 26-njy martynda Türkmenbaşydan Stambula TK 4913 ýörite uçar gatnawyny amala aşyrdy. Bu barada atavatan-turkmenistan web saýtynda habar berilýär.

Nobatdaky amala aşyrylan howa gatnawy 2022-nji ýylyň mart aýynda ýerine ýetirilen üçünji gatnawdyr. Mundan öň, Turkish Airlines awiakompaniýasy 9-njy we 14-nji martlarda Aşgabat we Türkmenbaşy şäherlerinden iki gatnaw amala aşyrdy.

Dünýäde ýüze çykan pandemiýa sebäpli girizilen çäklendirmeleriň dowamynda beýleki ýurtlar bilen birlikde, Türkmenistan bilen Türkiýäniň arasyndaky yzygiderli howa gatnawlarynyň 2020-nji ýylyň mart aýynda togtadylandygyny bellemek gerek.